ශ්‍රී ලංකා - පාකිස්තාන පළමු ටෙස්ට් තරගය හෙට

ශ්‍රී ලංකාව සහ පාකිස්තානය අතර පැවැත්වෙන තරග 2කින් යුත් ටෙස්ට් ක්‍රිකට් තරගාවලියේ පළමු තරගය හෙට (9) රාවල්පිණ්ඩි ක්‍රීඩාංගණයේදී ආරම්භ වීමට නියමිතය.අයි.සී.සී. (ICC) ලෝක ටෙස්ට් ශූරතාවලිය යටතේ ක්‍රියාත්මක වන මෙම තරගය ශ්‍රී ලංකා වේලාවෙන් පෙ.ව. 10:00 ට ආරම්භ වේ.රාවල්පිණ්ඩි ක්‍රීඩාංගණය මෑතකදී පාකිස්තාන කණ්ඩායමට එතරම් වාසිදායක තත්ත්වයක් පෙන්නුම් කර නැති පිටියක් ලෙස සැලකේ.2021 වසරේදී දකුණු අප්‍රිකාවට එරෙහිව ලැබූ ජයග්‍රහණයෙන් පසු, ඔවුන් මෙම පිටියේ ක්‍රීඩාකළ අවසන් ටෙස්ට් තරග 6න් ජයග්‍රහණය කිරීමට හැකි වී ඇත්තේ එක් තරගයක් පමණි.මෙම සංචාරය ශ්‍රී ලංකා කණ්ඩායමට ඉතා වැදගත් වන අතර, ශ්‍රී ලංකාව පාකිස්තානයේදී ටෙස්ට් තරගාවලියකට ක්‍රීඩා කරනු ලබන්නේ වසර 7කට පසුවය.අවසන් වරට 2019 වසරේදී පාකිස්තානයේ සංචාරය කළ අවස්ථාවේදී තරග 1-0ක් ලෙස සත්කාරකයන් හමුවේ පරාජය වීමට ශ්‍රී ලංකාවට සිදුවිය.